Што е Global Game Jam, се прашувате? Global Game Jam е најголемиот светски џем за видеоигри – тридневен предизвик каде што учесниците во истиот период ширум планетата работат на создавање сосема нови видеоигри. Целта е да се поттикне креативноста, соработката и иновативноста, овозможувајќи им на учесниците да го споделат своето знаење и вештини.

Global Game Jam се случува секоја година, на последниот викенд во јануари и е најголемиот двигател на индустријата за развивање на игри во Македонија. И овој пат, скопскиот Глобал Гејм Џем ја зголеми бројката на учесници, сега за дури 38%! Досега рекордниот број од 132 учесници на една локација значеше проширување на креативната зона на два спрата во Base42. Се формираа 25 тимови, а тие направија неверојатни 25 игри, од кои 22 видео игри и три бордгејмови.

Темата за оваа година беше „Маска“, а истовремено се случуваше во 132 земји во светот, каде глобално учествуваа 474,517+ учесници, а се креираа 101,246+ игри.

Наградите во вид на тастатури, мауси, пен таблети и звучни карти отидоа во рацете на следните тимови – креирани игри:

• Најдобра игра на GGJ26Skopje: CBT - SAM
• Награда „Епско кодирање“: The Unfortunate 7 - Dalewood's Masquedare
• Награда „Пиксел перфект изведба“: Elon Mask - Mask of Life
• Награда „Мик Гордон“ за гејм-џем саундтрак: Team Nespieny - Disguised Gladiators
• Најдобра друштвена игра (board game): Luku Kroko - Warmask
• Надежни џемери  – ѕвезди во подем: Lab Rats - Masked Descent

И се разбира најголема почит и благодарност до учесниците!

Организаторот изрази специјално БЛАГОДАРАМ за спонзорите, патроните и поддржувачите на GGJSkopje2025: Indium Play, Isotope by CodeChem, А1 Македонија, Halkbank, 42.mk - Base42, sindex и се разбира „логистичарите“ Red Bull, Pizza Jakomo, KFC, LioCafe и 7 (седмица).

Видео презентациите од игрите може да видите тука: tinyurl.com/GGJ26Skopje-igri

Целата галерија со фотографии и информации можете да ја погледнете на  gamejam.mk