RoboMac 2025 е тринаесетто издание на овој уникатен натпревар кој претставува собиралиште на млади иноватори и експерти. Секоја година ФЕИТ е домаќин на повеќе од 70 учесници од земјата и странство, што RoboMac го прави најголем настан од ваков карактер на нашите простори.

Преку оваа платформа, студентите имаат можност да се запознаат со последните технолошки иновации поврзани со роботиката, автоматиката, електрониката и вештачката интелигенција, преку богатата програма и практични работилници. Работејќи во тимови, тие добиваат можност да ги применат теоретските знаења и практичните вештини, истите да ги надоградат и усовршат, како и да соработуваат со други студенти од земјата и странство.

Категориите во кои учесниците може да се натпреваруваат се:

• Detect the Intruder > Hardware-software co-design for detecting a misaligned element.
• AI Football > Program intelligent agents to find and eliminate opponents in a dynamic environment.
• Robotic Arm Challenge > Combine robotics and machine vision to accurately sort objects.
• The VoiceBot Challenge > Command your VoiceBot to victory in this speech-driven robotics competition.
• Self Racing Cars > Program and unleash NVIDIA JetBots for self-racing car showdown.

Како и секогаш, учесниците ќе имаат можност да присуствуваат и на предавања од овие области.

Дополнителни информации за категориите може да најдете тука.

Регистрацијата е отворена до 30 април, а сите заинтересирани може да се пријават на следниов линк тука

Финалниот натпревар во сите категории ќе се одржи на 17 мај оваа година.

Носители на настанот се македонската секција на ИЕЕЕ (IEEE – The Institute for Еlectrical and Еlectronics Еnginеers), преку нејзиниот студентски огранок при УКИМ и Факултетот за електротехника и информациски технологии, а е во коорганизација со Факултетското студентско собрание – ФЕИТ.