Саемот ќе ви пружи можност да добиете бесплатни стручни совети за избор на факултет и кариера, совети за одржување на менталната благосостојба при оваа голема животна промена, а ќе можете и од прва рака да дознаете нешто повеќе за студентскиот живот и можностите што ги нудат македонските универзитети на идните академски граѓани.

Помеѓу 20-те факултети кои ќе ги презентираат своите студии ќе биде и Природно-математичкиот факултет, со богата програма полна со експерименти, симулации и забава.

Сте виделе ли некогаш пари што не горат?  Како да знаете дали сте заљубени или има земјотрес? Како да направите „нинџа“ мастило? “И тоа не е сè”, велат од ПМФ.

Најнапред Институтот за етнологија и антропологија со песна ќе ги покани присутните на штандот на ПМФ, а по нив свое претставување ќе имаат и другите институти од факултетот. Главната презентација на ПМФ ќе биде во салата на киното Фросина во периодот од 12 и 50 часот до 13 и 20 часот.

Значи ставете потсетник за датумот и во сабота правец  на УНИКОМПАС.