Крајниот резултат го претставуваат модуларните самотрансформирачки роботски коцки што можат да скокаат, вртат, превртуваат, па дури и да се “препознаат” едни со други со помош на своевиден бар-код систем, нешто налик на коцките на Зелда :)

Како што посочуваат развојните инженери од МИТ коишто стојат за овој проект, роботите претставуваат чекор нанапред во развојот на роботи со способност да размислуваат и да се координираат како рој / јато, а нивната способност самите да формираат различни структури може да најде примена во повеќе области – како помош при катастрофи, во здравствената заштита и, секако, во производството.

Трудот треба да биде претставен на Меѓународната конференција за интелигентни роботи и системи којашто ќе се одржи оваа недела во Макао.

Џон Романишин, водечкиот автор на трудот, коментирајќи го пристапот вели “Уникатноста на нашиот пристап се состои во тоа што е поевтино, поздраво и потенцијално полесно да се преслика во милион модули“.

Во моментов има 16 различни роботи-коцки. Секој од нив има замаец што се движи со брзина од 20000 вртежи во минута, а роботите се движат користејќи го аголниот момент што се создава при кочење на замаецот. На секој раб и на секоја страна од коцката се сместени постојани магнети коишто овозможуваат прикачување на кои било две коцки од “јатото”.

Подолу на видеото може да ги погледнете роботите во акција

а ако сакате да се потсетите како изгледаше серијалот “Соколите од планетата Земја” следете го следниов линк што ќе ве однесе до плеј-листа на којашто се спакувани речиси 200 епизоди од оваа серија.