Оваа кредитна картичка треба да стане достапна за корисниците во текот на месец август оваа година, а тие кои ќе се решат да ја користат имаат можност за купување и собирање на "cash back" готовина, но ќе мораат да платат и многу висока камата (13,24 – 23,24%) што е вообичаено за САД. Тоа се, отприлика, карактеристики што веќе ги знаевме. Но, банката Goldman Sachs открива и некои други услови за користење.

Картичката Apple Card нема да може да се користи за купување парични еквиваленти во кои спаѓаат криптовалутите, жетоните за коцкање, лозовите за лотарија и обложување, и слични други трансакции. Една картичка не можат да ја користат повеќе личности, бидејќи секоја од нив ќе биде поврзана со компјутерот и iPhone телефонот на корисникот, а тој iPhone не смее да користи Jailbreak. Сите корисници кои ќе прават неовластена промена на софтверот или хардверот на iPhone-от, ќе бидат исфрлени од програмата за користење на кредитната картичка Apple Card, се наведува во правилникот за користење.