Бидејќи ќе правам кутии за звучници 6x9 инчи, ме интересира дали на кутиите треба да оставам дупка за издув или да бидат затворени. Звучниците се за во кола. И ако треба да имаат дупка, кое место би било најпогодно за тоа.
Благодарам однапред.
Петар Спасевски преку e-mail

Работите не се така едноставни... Ви препорачувам прво да ги прочитате текстовите "Како до квалитетни звучници" во Емитер 1/07 до 7-8/07, "Компресиони звучни кутии" во ЕМИТЕР 5/1995 и "Бас-рефлекс звучни кутии" во ЕМИТЕР 1/1998, 2/1998, 4/1998 и 6/1997. Овие постари броеви на ЕМИТЕР можете да ги нарачате од редакцијата на ЕМИТЕР.
Но, со оглед на тоа дека станува збор за автозвучници кои редовно имаат многу висок Qts параметар, најдобро решение во вашиот случај е да не правите звучни кутии, туку да ги поставите звучниците на задната хоризонтална "даска", зад задните седишта. Најголемиот број автомобили со фабрички вградени 6х9 звучници имаат токму вакво решение.
Претходно треба прецизно да направите отвори на "даската" за звучниците. Внимавајте, бидејќи "даската" е направена од пластика и лесно може да се оштети или скрши. Звучниците треба добро да налегнуваат на отворите и добро да дихтуваат.
Пријатно слушање!
Владимир Филевски