Почитувани,
Имам неколку прашања во врска со програматорот од брошурата "Микроконтролери за почетници 1" Сакам да го изработам PIC програматорот, ме интересира дали е можно тој да се приклучи на компјутерското напојување и од таму да се снабдува со потребните 5 волти и 12 волти кај регулаторите 7805 и 7812 или мора да се гради и напојувањето со двата регулатора? Дали со овој програматор може да се програмираат микроконтролери со 8 пина (eeprom)?
Поздрав
Горан Веловски

Компјутерското напојување може да се искористи, доколку соодветно и исправно го поврзете на потребните места. Но, не гледам потреба за таква компликација кога напојувањето на целиот програматор може да се реши со обичен грецов насочувач, направен со трансформаторче за 15V/0,3A, грец за 1A и електролитски кондензатор од 1000 до 4700 µF/35V.
Што се однесува до тоа што сè може да програмира програматорот, објавено е во самата брошура. Она што вие го прашувате не може да се програмира.
Добре Блажевски