За моторното масло може многу да се пишува. Може да се разгледува од аспект на технологијата за неговото производство, да се разгледува од аспект на хемијата (петрохемија) т.е. неговата структура и интервенциите во таа насока (синтетски масла) и на крај (или на прво место – сеедно), моторното масло може да се разгледува од аспект на неговата неопходност за функционирањето на моторот. Во овој прв дел од приказот за моторното масло накратко ќе биде прикажана улогата на моторното масло кај автомобилскиот мотор, потоа накратко ќе се задржам на разликите помеѓу класичното минерално масло и синтетското масло и на крај ќе бидат објаснети основните особини на моторните масла. Во вториот дел од овој напис ќе се обидам да одговорам на најчесто поставуваните прашања во врска со моторните масла, како на пример: кој е интервалот на замена на моторното масло, дали моторот треба да троши масло, на што треба да се внимава при промена на моторното масло…