Од неодамна хит на пазарот за преносни компјутери секако се системите кои имаат интегрирано двојадрени процесори. Имено, овие процесори нудат подобри перформанси во споредба со своите претходници, а притоа ги задржуваат малите димензии на самиот процесор. Новите модели на Acer го задржуваат имиџот кој компанијата го изгради во последните неколку години, па така моделот кој ќе ви го претставиме во овој напис, Aspire 5651AWLM, во себе ги содржи речиси сите нови технологии кои може да се најдат на пазарот за преносни компјутери. Ако за присуството на дво-јадрениот процесор е излишно да се зборува, бидејќи тој прерасна во стандард за новите лап-топ компјутери, тогаш сигурно големо внимание привлекува вградениот дигитален DVB-T тјунер, уред кој нема да го сретнете кај многу модели на компјутери.