Анализирајќи го потеклото на водата во Сончевиот систем, група истражувачи дошле до заклучок дека водата на Земјата во голема мера е “наследство”, кое, примордијалниот диск од кој настанал Сончевиот систем го добил од некоја меѓуѕвездена молекуларна маглина богата со кристали од мраз. Според тоа, водата на Земјата е постара од Сонцето, иако тоа е формирано пред да се формира Земјата. Наодот е објавен во неодамна во научното списание Science.

Во професионалното аудио најчесто се користат дигитални активни свртници (LMS, „DSP процесори”), во кои се вградени многубројни дополнителни функции – разни видови еквилајзери, филтри, delay, компресори, итн. Од друга страна, поретко во употреба се професионалните аналогни активни свртници, кои се лимитирани само на еден вид на филтер и на една delay функција. Но, не треба да се задоволиме со (пот)просечното! Овој проект е двопојасна аналогна активна свртница со delay, shelf и notch функција – нешто што е многу ретко за проект за самоградба, и тоа во светски рамки, а потполно непостоечко кај професионалните комерцијални („фабрички”) аналогни свртници! Згора на тоа, целата оваа комплексна свртница е реализирана со само едно единствено интегрирано коло TL074!

Детектирањето на присуството на несакани посетители во домовите или во други, комерцијални и индустриски објекти, како и за заштита од провалници и лична заштита се користат најразлични алармни кола. Некои алармни уреди служат да дадат сигнализација дека некој нов посетител или клиент ја посетил маалската продавница, омилениот ресторан или, пак, некој хотел.

Пронаоѓањето на одредена информација побарува потреба од знаење на адресата на којашто е сместена, а тоа да се погоди е речиси невозможно. За среќа, постојат пребарувачи како Google, Bing, Yahoo и многу други, кои ни ја олеснуваат работата. Поради тоа, за да се избегне овој проблем развиени се интелигентни агенти за пребарување на интернет-страниците. Интелигентните агенти имаат таква особина и можност, при што се сметаат за нов напредок во информатиката.

Новогодишната и божиќна еуфорија го сторија своето… не издржа срце јуначко, па моравме по секоја цена да дознаеме што ни подготвил најсимпатичниот дебелко на светот (после мене, секако ). Цената не беше мала, но кога е за нашите читатели, ништо не е скапо!

Дали патувањето низ времето е реално можно? На тоа прашање лу­ѓето гледаат исклучиво како на науч­на фантастика. Но, познатиот британ­ски физичар кој почина не­о­дамна, Стивен Хокиннг (Stephen Hawking), тоа не го гледал така. Во својата послед­на публикација со наслов “Краток одговор на голе­мите прашања” (Brief Answers to the Big Questions), на ова прашање одговорил дека “патување­то низ времето научно е реално мож­но и не може да се исклучи”. Во овој напис ќе објасниме дека од научно гледиште тој бил во право кога такво­то патување го оценил како реално можно.

Од неодамна на нашата веб продавница www.emiter.mk развивме систем преку кој е овозможена групна претплата на електронското издание на Емитер за образовни институции. Први корисници на овој систем ќе бидат сите 1200 студенти и вработени од Факултетот за електротехника и информациски технологии (ФЕИТ) од Скопје...

Купувањето авион звучи како чин на некој навистина богат човек. Но, фактите говорат поинаку. Денес за неколку илјади евра, за истата сума што би ја потрошиле за набавка на автомобил и тоа од средната или ниската класа, можете да набавите и ултралесен авион во кит-комплет. Сè што ви е потребно е малку повеќе желба, мотивација и, се разбира, пилотска дозвола за да уживате во новиот механички миленик. Во овој напис ви ја откриваме приказната за тоа како еден ваков ултра-лесен авион се најде во македонскиот регистар на воздухоплови и на битолскиот спортски аеродром.

Со помош на стандарден пиезоелектричен елемент, овој склоп е во состојба да детектира механички или акустични вибрации во својата околина. Склопот е специјално развиен за заштита од кражба на помошни влезови или затворени излози на продавници.

Кога ќе се спомне зборот “квантно”, прво нешто што ни паѓа на ум е “хард кор”физиката на микрокосмосот. Но, во последно време квантните појави се забележени и во некои неочекувани области, на пример како што е биологијата. Некои претходно нејасни биолошки процеси добиваат свое логично објаснување со помош на квантните интеракции, а важи и обратното – некои квантни интеракции сега се испитуваат со чисто биолошки експерименти.

Пред да отпочне со изработката на некоја макета, прво што треба да направи еден искусен макетар е: детална анализа и преглед на контурната (димензиска) точност на макетата, преглед на составницата, логичноста на составувањето на деловите (бидејќи не секогаш редоследот даден од производителот на макетата овозможува квалитетно составување), квалитетот и бројноста на деталите дадени во и на површината на макетата (површинската панелизација), точноста на дадените маскирни (камуфлажни) шеми и боите кои притоа треба да бидат искористени, точноста и димензиите на налепниците (decal) и уште ред други анализи кои во зависност од искуството на макетарот се наметнуваат како потреба за да се отпочне со изработката на макетата! 

Развојот на телекомуникациите како масовните медиуми ќе се одвиваше многу позабавено ако не постоеја луѓе кои со својата визија, идеја и упорност го трасираа патот за современите технологии. Еден од овие визионери е и Дејвид Сарноф, американски бизнисмен и пионер во развојот на радиото и телевизијата.

Повеќе не е тајна дека животот ста­ну­ва полесен ако имаш мобилен во сво­ја­та рака. Различни апликации кои ни доаѓаат при рака и ни заштедуваат дра­гоцено време во различни ситуации. Сепак, вашите омилени гаџети имаат многу функции што кои досега не сте ги откриле или слушнале.

Осцилаторите имаат многу широка примена во електрониката и во секојдневниот живот. Една од основните примени е тие да послужат за давање звучна или светлосна индикација при некој настан, како на пример: отворање на врата, појава на светлина или темнина, појава на зголемена температура, појава на влага итн. Во овој напис од рубриката школа за електроника ќе разгледаме еден таков едноставен осцилатор со два транзистора, ќе проучиме како функционира и како може да се употреби за одредена алармна намена.