Во последнава деценија, како последица на сä поголемиот интерес за енергетска ефикасност, енергетска диверзификација и заштита на околината, се забележува забрзан развој во полето на електричните возила. Во овој текст ќе бидат разгледани нивните перформанси и предностите пред класичните автомобили. Основни делови на електричниот систем кај ваквото возило се батериите, електричниот мотор и енергетскиот преобразувач.

Иако во денешно време изборот на медиум за трајно складирање на податоците е голем, сепак не е лесно да се даде одговор – кое решение е вистинскиот избор? Дали се тоа SATA или SSD хард дисковите, или пак и обичното USB “стикче” ќе заврши работа? Да загребеме малку подлабоко под површината на ова актуелна дилема на колегата Томе…

Дарвиновата теорија за еволуцијата, но и други научни теории, честопати неосновано се оспоруваат со образложение дека, наводно, “Теорија не е закон туку е само теорија, и според тоа, таа е недокажана, па не мора да е точна”!? Таквото лаичко образложение открива елементарно незнаење на основните научни поими: хипотеза, теорија и научен закон!

“Операциона сала” е рубрика во која правам анализа и подобрувања на некогаш популарните звучници на нашиве простори. Во ова продолжение, ќе направам подобрување на звучниците Wharfedale Valdus 500, кои иако не се најнов модел на познатата британска фирма, сепак се уште се актуелни бидејќи се во редовна продажба во Македонија.

Денот Д за префрлување на сигналите од Новиот радио-телевизиски дом беше 27 септември 1986 година, во 22 часот. И покрај сите направени подготовки, секогаш се поставуваше прашањето дали ќе се појават некои непредвидени технички проблеми и колкав ќе биде прекинот на програмата. На општо задоволство, прекинот на програмата беше само неколку секунди. Тоа беше факт што сите нас кои во тие моменти учествувавме во потфатот нè направи особено горди.

Природата дејствува исклучиво согласно односот на силите на нејзините чинители. Овие односи се апсолутни, се одвиваат без наша волја и контрола и се нарекуваат природни закони. Нема ништо поприродно од природните закони. Тие може да се сметаат за апсолутна вистина пред која и боговите молчат (да злоупотребам една древна мисла). Само еден практичен демант (опит и сл.) е доволен некој природен закон да “падне”.

На 31 март 2017 година во престижното Британско списание за спортска медицина (British Journal of Sports Medicine), дел од групацијата BMJ (British Medical Journal) објавено е дека заситените масти не се причина за затнување на артериите и дека коронарната срцева болест е состојба на хронично воспаление за којашто може ефективно да се намали ризикот со здрав начин на живот, а не со лекови за намалување на холестеролот и со избегнување на масна храна.

При развивањето на функционалната структура дури и вештиот конструктор може да се соочи со тоа како да се реши некој проблем. Во тие случаи обично помага знаењето и искуството, креативноста и смислата за конструирање, интуицијата итн. Методското конструирање и за овој проблем има свое специфично решение.

Нема фиксна бројка колкава треба да биде температурата на разладната течност во моторот со внатрешно согорување. Тоа зависи од многу фактори како што се годишното време, должината на релацијата на која возиме, оптоваеувањето на моторот, стилот на возење, типот на системот за ладење (отворен или затворен), староста на моторот итн. Но сепак постојат неколку параметри на коишто треба да се обрне внимание.

Пештерата со неброеното азно од приказната за Али Баба навистина постои! Нејзината точна локација не е тајна, таа се наоѓа на интернет, а магичниот збор за нејзиното отворање е AliExpress. Единствената разлика е: за да земете нешто од таму, треба нешто малку и да платите. Цената што треба да се плати за тие кинески производи честопати е неверојатно мала, па на човека му доаѓа да праша дали тука има некоја ујдурма?

Редовен мал сервис, или контролна проверка на автомобилот, е мал зафат што редовно мора да го практикува секој возач. Со него се превенираат околу 70% од дефектите на автомобилот (вклучително и тешки дефекти или хаварии)а:, а не чини ништо. За што се работи?

Задоволството да се изгради сопствен модел и тој да заплови е навистина големо, особено за младите. Од тие причини, се одлучив во пресрет на летната сезона да опишам градба на еден многу едноставен бродомодел кој беше задолжителна задача на натпреварите за млади техничари. Се изработува од шпер плоча со помош на алатот од комплетите по Техничко образование.