DCD-1550AR е последниот по ранг CD плеер од горниот дом на Denon-овата CD продукција која ја сочинуваат пет CD репродуктори во опсег од раскошно опремениот транспорт DP-S1 со кој се поставени нови дигитални стандарди, преку ништо помалку возбудливо дизајнираниот интегриран плеер DCD-S1, до три слични по изглед со кои завршува гамата. DCD-1550AR како директен дериват на моделот 1650AR, е комерцијална отстапка на фирмата и плод на настојувањата производите од највисоката дигитална технологија колку што е можно повеќе да се приближат до широката корисничка публика.