И повторно е тоа време во годината. Време е за најголемиот натпрвар по роботика, автоматика, електроника и вештачка интелигенција во Македонија – RoboMac 2024. Како и секоја година исто и сега, RoboMac 2024 го организираат студентскиот огранок на Македонската секција на ИЕЕЕ и Факултетот за електроника, електротехника и информациски технологии.
Факултетот за електротехника и информациски технологии ги повикува сите студенти, ентузијасти и љубители на роботиката да се пријават на меѓународниот натпревар по роботика, автоматика, електроника и вештачка интелигенција RoboMac 2024, кој ќе се одржи во периодот од 22 до 27 април оваа година (со пауза на 24.4.2024, поради неработен изборен ден).
Ова собиралиште на млади иноватори и експерти, по 12-ти пат ќе биде домаќин на повеќе од 70 учесници од земјата и странство, што го прави најголем настан од ваков карактер на нашите простори. Преку оваа платформа, студентите ќе имаат можност да се запознаат со последните технолошки иновации поврзани со роботиката и вештачката интелигенција, преку богатата програма и практични работилници.
Категориите во кои учесниците може да се натпреваруваат се:
• Sence the Color, Select the Line > Design from scratch a line follower with colour sensing abilities.
• AI Football > Program intelligent agents to find and eliminate opponents in a dynamic environment.
• Robotic Arm Challenge > Combine robotics and machine vision to accurately sort objects.
• The ChatBot Challenge > Command your ChatBot to victory in this speech-driven robotics competition.
• Self Racing Cars > Program and unleash NVIDIA JetBots for self-racing car showdown.
Покрај тоа, учесницит ќе имаат можност да присуствуваат на повеќе предавања од овие области.
Сите заинтересирани за учество во натпреварат може да се регистрираат преку формуларот поставен на ликот тука Регистрацијата на учесници е отворена до 12.4.2024!
Дополнителни информации за категориите може да се најдат на следната врска.
Финалниот натпревар во сите категории ќе се одржи на 27 април.
Носители на настанот се Македонската секција на ИЕЕЕ (IEEE – The Institute for Еlectrical and Еlectronics Еnginеers), преку нејзиниот студентски огранок при УКИМ и Факултетот за електротехника и информациски технологии, а е во коорганизација со Факултетското студентско собрание - ФЕИТ.
УКИМ, преку својата фондација „Атанас Близнакоф“ од САД, како генерален покровител комплетно застана зад организацијата на овогодинешниот RoboMac 2024 вклучувајќи го и RoboMac Junior.
Преземено од ФЕИТ