Мошне често при купување бургија, продавачот ќе ни понуди еден куп бургии различни според цена и боја, на пример црни, златни, сребрени,виолетови и други нијанси. Во овој напис прво ќе се задржиме на основните параметри кои се карактеристични за секоја спирална бургија, а потоа ќе ги опишеме и материјалите од кои се изработуваат спиралните бургии.

Бојлерот, како и сите уреди кои се употребуваат во домаќинството, а и пошироко, имаат потреба од превентивно или од тековно одржување. Како главна електрична компонента во составот на бојлерот е неговиот електричен грејач. Тој по одреден временски период на употреба треба да се исчисти или, ако е потребно, да се замени со нов. Како се прави сето тоа читателите ќе имаат можност да се запознаат од написов што следува.

Сончевиот систем во себе крие неколку тајни, за кои нема објаснувања во актуелниот модел за неговата историја. Но, во најново време, една екипа астрофизичари од Италија излегоа со радикално нов модел за најраната историја на Сончевиот систем, модел, во кој клучен фактор за разрешување на тие енигми е "миграцијата" на двете гигантски планети Јупитер и Сатурн.

Генераторот на сигнал со синусен бранов облик претставува транзисторски осцилатор со индуктивна повратна врска. Наменет е за употреба како сигнал – генератор при поправка на НФ-засилувачи на моќност. Неговата стабилност на фреквенцијата, чистината на сигналот без примеси од хармоници и малите изобличувања ја оправдуваат неговата изработка и примената во секоја посериозна сервисна и експриментална работилница по електроника.

Денес астрономите сметаат дека, во центарот на речиси секоја галаксија, се наоѓа супермасивна црна дупка. Набљудувањата наметнуваат дека постои директна поврзаност меѓу масата на таа црна дупка и вкупната маса на средишниот регион на галаксијата, најгусто населен со ѕвезди. Парадокс: тие црни дупки можат да бидат најсилни светлински извори во универзумот!

iPad 3 е третото продолжение од сагата наречена iPad, уред кој по iPhone 4S е еден од најочекуваните уреди на пазарот на мобилни уреди. Сега тој доаѓа со нов и побрз процесор, подобра графичка картичка, нов и одличен дисплеј, но и со доста повисока цена во однос на другите конкуренти. Дали овие особини се доволни за да "оди како алва" на пазарот или народот има и други барања – читајте понатаму за да дознаете.

Минатиот месец по втор пат се додели наградата "Најмлад научник", признание востановено минатата година од Претседателот на Републиката, д-р Ѓорге Иванов. Оваа година со признанието се закити м-р Трифче Сандев, автор на значајни научни трудови објавени во меѓународни научни списанија. Направивме кратко интервју со м-р Сандев, во кое го замоливме да ни даде повеќе детали околу неговата научна работа.

Минатиот месец заврши најголемиот светски настан на мобилната индустрија. Четирите дена од конгресот во Барселона поминаа во знакот на технолошките иновации, новите мобилни уреди, како и новите трендови и предизвици на телеком-операторите.

Во овој број ви претставуваме три корисни аудиоапликации. Секоја од нив покрива различни сегменти. Првите две се наменети за аудиофилите – едната е наменета за претворање на датотеки од еден во друг формат, додека другата е за организирање на музичките датотеки во една единствена прегледна дигитална музичка колекција. Последната програма е наменета за оние, малку покреативните, кои се бават со создавање музика, било да се дизајнери на звук, диџеи или, едноставно, хоби-музичари.

Вака беше отворен настанот РобоМАК 2012, кој од 19 до 25 февруари се одржа на Факултетот за електротехника и информациски технологии - Скопје (ФЕИТ), трета година по ред. РобоМАК е меѓународен натпревар во роботика кој е организиран од IEEE Студентскиот огранок во Македонија заедно со студентската организација EESTEC LC Скопје.

Македонските професионалци неодамна имаа можност "од прва рака" да се запознаат со некои од најновите и најпопуларни модели на Panasonic од палетата на производи за професионална видеопродукција и бродкастинг. Во овој напис накратко ќе ви пренесеме дел од впечатоците кои ги добивме при непосредната демонстрација од страна на јапонските продукт-менаџери на Панасоник но и она што сами го видовме, го почувствуваме и го искусивме при нашето тестирање и ракување со презентираните производи.

Во овој дел од рубриката електроника во кратки црти ви презентираме нови компоненти и настани од светот на електрониката. Се надеваме дека следејќи ги актуелностите од оваа област ќе успееме да ве приближиме кон новите трендови во електрониката, а со тоа ќе добиете и поцеловит увид во производството на "главните играчи" во оваа област со постојан подем.