Изгледа навика ми стана да тестирам засилувачи. За разлика од претходно, овде се работи за компаративен тест на два висококвалитетни интегрирани засилувачи. Во растечкиот тренд, кога заколнатите поборници на раздвоените комбинации (предзасилувач/засилувач) полека, но сигурно му го отстапуваат должното место на интегрираниот склоп, не можев а да не ве запознаам со овие два навистина извонредни уреди, кои доаѓаат од врвни производители од земјата на изгрејсонцето.

Намената на уредот т.н. fuse protector е да обезбеди мек старт (soft start) на потрошувачите кои имаат голема почетна струја (initial surge current), на прифатливи вредности кои може да ги поднесе електричниот осигурувач во мрежата или вградениот осигурувач во самиот електронски уред.

До оштетување на звучниците може да дојде на различни начини. Излезниот нискофреквентен сигнал од засилувачот може толку да порасне што ќе ја надмине декларираната моќност на звучникот која во практиката многу често е помала од наведената. Од друга страна, на излезот од засилувачот, поради некој дефект во самиот засилувач, може да се појави голем еднонасочен напон, па од еднонасочната струја да прегори движечката намотка на звучникот.

Една од најтешките работи при изработка на ППК, мора да признаеме ние електроничарите, е дупчењето на самата ППК. Имено тоа и мене ми претставуваше најголема тешкотија - многу издупчени дупки онаму каде не им е местото, искршени бургии и искинати и оштетени фолии. Оваа макотрпна работа ме пратеше до пред 6-7 години, кога со изработката на оваа дупчалка ставив крај на сите тешкотии.

Една од најзначајните предности на дигиталните аудио уреди е ниското ниво на шум и секако големиот динамички опсег. Дигиталните носители на звук со 16-битно кодирање постигнуваат однос сигнал/шум поголем од 90dB. Нивната застапеност е реалност но ќе помине уште некое време додека ги потиснат засега сè уште распространетите аналогни аудио уреди.

Интегралното коло на PHILIPS, TDA8920 е првото коло од новата фамилија аудио засилувачи во класа D, изработени во SOI (Silicon On Insulator)-базирана, A-BCD1 (Advanced Bipolar-CMOS-DMOS) технологија. Содржи два независни засилувачи, кои може да се искористат за стерео засилувач или како моно засилувач во мостна врска. Високата ефикасност е главна карактеристика на засилувачите во класа D и за ова коло е 90%.

Редовните читатели на ЕМИТЕР имаат прочитано многу написи во ова списание за тоа колку е важно еден аудио засилувач да има линеарна влезно-излезна карактеристика. Ова доаѓа од таму што со доволно линеарна влезно-излезна (преносна) карактеристика се добива релативно неизобличен сигнал на излез. Спротивно на ова се развиваат и засилувачи со многу лоша преносна карактеристика за добивање на разни ефекти.

Слушалките на глава и можете да се шетате низ целата соба. Веќе не ви е потребен кабел, кој постојано ви се плетка меѓу нозете, се закачува и во најмала рака ви смета. Со овој мал приемник за инфрацрвена светла, напревен со само еден транзистор, може да ја слушате омилената музика од вашето CD без да им пречите на другите.

Некои од Европските радио-дифузни организации веќе ја воведоа подобрената верзија на Радио Телетекст сервисот, промовиран во Велика Британија во некои комерцијални радио станици уште во доцните 80-ти години. Иако Радио Телетекст сервисот е различен од RDS, тој е негово дополнување. Податочните сигнали од Радио Текст се пренесуваат со помошен носител со фреквенција од 76kHz, фреквентно се модулирани со 16kbit/s со FM девијација од ±5,5kHz.