Астрономите ја идентификуваа најмасивната ѕвездена црна дупка откриена досега во галаксијата Млечен Пат. Оваа црна дупка е забележана во податоците од мисијата Гаја (Gaia) на Европската вселенска агенција, посредно, преку чудното “лелеаво” движење што таа го предизвикува кај придружната ѕвезда што орбитира околу неа. Податоците од телескопот VLT на Европската јужна опсерваторија (ESO) и oд други терестријални опсерватории беа искористени за да се потврди масата на црната дупка, којашто е импресивни 33 пати поголема од онаа на нашето Сонце.

Набљудувањето на еден ѕвезден пар сместен во срцето на неверојатен облак од гас и прашина, се претвори во интересно изненадување. Вообичаено, ѕвездените парови се мошне слични, што би рекле “небаре јајце на јајце”. Но, ова не е случај и со системот HD 148937, каде едната ѕвезда се чини дека е помлада и дополнитело, за разлика од другата, таа е магнетна. Новите податоци од Европската јужна опсерваторија (ESO) укажуваат дека овој систем првично се состоел од три ѕвезди, но две од нив се судриле и се споиле. Овој насилен настан го создал околниот облак и засекогаш ја променил судбината на системот.

На 10 април оваа година, во Парк шумата Гази Баба во Скопје одржана е единаесеттата средба на радиоаматерската „Z3 Портабл Група“, која што беше отворена за сите радиоаматери.

Завршена е и успешно тестирана втората OWA антена (Optimized Wide-band Antenna), специјално дизајнирана за искористување на рециклиран материјал од старите антени за 4. телевизиски канал од аналогната телевизија, какви што сé уште можат да се најдат на подрачјето на Битола и Прилеп.