Рубрика: На граница на науката
Како астронаутите “слетаа” на катедрала од 16-тиот век
Автор: Невенка Стојановска
Објавено на 12.06.2018 - 12:30

Ако сте гледале барем една епизода од серијалот Древни вонземјани, сигурно знаете за што се работи – низа уметнички дела и архитектонски градби, историски артефакти се толкуваат како знаци дека Земјата во минатото била посетена од вонземјани. И не само тоа, туку вонземјаните во одреден момент го поттикнале развојот на цивилизацијата.

Се разбира, на секоја епизода од серијалот треба да се гледа со здрава доза на скептицизам и хумор, иако некои од артефактите навистина се чини дека укажуваат на вонземско присуство. Но, дали е се онака како што ни се чини?

Во една од епизодите на Древни вонземјани е прикажан детаљ од резбарените во камен орнаменти од Новата катедралата (Catedrala Nueva) во Саламанка, Шпанија. Се работи за фигура која по сите одлики личи на астронаут.

Изградбата на катедралата се одвивала од 1513 година сè до 1733 година. Од каде тогаш современи фигури во стотици години стариот камен? Дали можеби мајсторите биле вонземјани или патници низ времето? Одговорот, сепак, е многу потривијален.

Со текот на децениите и вековите, катедралата претрпела многу оштетувања. Во 1992 се преземаат работи за нејзина реставрација и конзервација. За освежување на деталите во камената резба бил ангажиран уметникот Херонимо Гарсија, којшто решил на еден од сегментите да му додаде личен печат. Ова го направил со додавање на две фигури коишто треба да го симболизираат 20-тиот век - споменатата фигура на астронаут и фигура на фаун којшто јаде сладолед во корнет. Значи овие фигури се додадени во 1992 година што ги отфрла како еден од “клучните” докази за теоријата на Древни вонземјани.

Значи, иако е интересно да се изнаоѓаат разно-разни неверојатни значења во древната литература, да се прогласуваат одредени градби за вонземско дело, некои уметнички дела како можни докази за дело на вонземјанин или доказ за посета на вонземјани, вистината е далеку посекојдневна :)

Клучни зборови:
Катедралата во Саламанка

Катедралата во Саламанка

Дел од камената резба на катедралата

Дел од камената резба на катедралата

Современите детали вклопени во старата резба

Современите детали вклопени во старата резба

Спорната фигура на астронаутот

Спорната фигура на астронаутот