Рубрика: Омнибус
Еден месец раат да не сме :)
Автор: Петар Лагудин
Објавено на 07.06.2018 - 11:45

Најнова глупавост: “Крајот на светот ќе се случи на 24 јуни 2018”

Авторот на оваа најнова завера е извесен Матје Жан-Марк Жозе Родриг (Mathieu Jean-Marc Joseph Rodrigue). Тој тврди дека “го открил најновиот датум за крај на светот од еден пасус од Библиската книга на Откровението, во којшто тој датум бил сокриен, меѓутоа сепак датумот можел да се открие само со интелигентен настап”.

Па прочитајте го неговиот “интелигентен настап” со кој што тој го “открил” датумот за крај на светот: Според Тhe Daily Star, “тој слушнал некој глас којшто му кажал да поврзе некои  24 наведени месеци со бројот 666, симбол на морското чудовиште со 7 глави и 10 рога, коешто повремено изронува од морето, за да го сознае датумот за крај на светот. ” Тоа и го направил и го добил датумот 24 јуни 2018 година.

Да, прочитавте и сами, се работи за екстремно наивно глупава измислица, којашто може да конкурира за влез во Гинисовата книга на рекорди како рекордна глупавост! Излишно е на таква глупавост да се трошат повеќе зборови и време, па затоа тука и ќе завршиме.  

Клучни зборови:
Чудовиштето 666

Чудовиштето 666 со 7 глави и 10 рога, на кое се повикува авторот на заверата!