Во минатите две продолженија од оваа рубрика направив спектакуларни подобрувања на двете варијанти на звучниците Ei HZK, кои се продаваа заедно со рисиверот Ei HSR 140. Во ова продолжение ќе направам слично подобрување на звучникот Ei Radio Akustika, кој се продаваше заедно со рисиверот Ei HSR 160.

Испитувањето на вакуумот на ото моторот (дизелските мотори го немаат овој параметар!) некако како да е подзаборавена метода, метода која, за жал, ретко ја практикуваат автомеханичарите, а многумина не ја ни познаваат и се скептични за нејзините резултати. Затоа е тука ЕМИТЕР да ги разбие овие предрасуди и да ги прошири хоризонтите и видиците на нашите читатели во светот на науката и техниката.

Група истражувачи од опсерваторијата Pan-STARRS на Хавајските Острови детектирала "ултрасјајна супернова" на рекордна далечина од 9,5 милијарди светлосни год. и ја искористила за истражувања на структурата на меѓуѕвездениот гас во галаксијата во која таа припаѓа, што претставува демонстрација на нов начин за студирање на далечните галаксии.

Серијата написи за АД конверторите ја завршуваме со еден пример на нивната практична примена кај дигиталните универзални инструменти, како најинтересна тема за поголем број наши читатели, со оглед на тоа што нема електроничар кој не располага со еден таков инструмент. Описот на нивниот принцип на работа и мерните функции придонесува за правилна и успешна примена на овие инструменти во решавањето на потребите со кои се соочувате.

Софтверот за управување со партиции може лесно да смени, да додаде или да спои партиции, како и да управува со партиции кои се наоѓаат на надворешни тврди дискови. Ваквиот софтвер дури може да отстрани и да менува фабрички инсталирани партиции или, пак, да изврши целосно отстранување на податоците од тврдиот диск. Повеќето програми за ваква намена исто така вклучуваат напредни алатки како што е клонирање партиции и миграција на оперативен систем.

Следејќи ги современите светски трендови од телекомуникациите, кабелскиот оператор Канал 16 започна со воведување на нова платформа GEPON FTTh, базирана на оптичка мрежа која и досега ја употребувале, но овојпат ја поставуваат до секој дом со брзина до 1Gbps. По тој повод Емитер отиде до Ресен, од каде одблизу се запозна со воведувањето на оптиката во овој регион, а на вас ќе ви ја долови преку ова интервју со Дејан и Горан Ангелови, сопственици на Канал 16.

Деновиве низ интернет кружат информации дека на тубите од козметички производи се вметнуваат квадрати со различни бои со цел на таинствен начин да се означи штетноста на овие производи по здравјето. Така на пример, црниот квадрат наводно означува дека се работи за 100% вештачка хемикалија, црвениот квадрат означува сооднос од 70% вештачки наспроти 30 проценти природни состојки и така натаму… Колку има вистина во ова?

Во овој дел од рубриката електроника во кратки црти ви презентираме нови компоненти и настани од светот на електрониката. Се надеваме дека со ова ќе успееме да ве приближиме кон новите трендови во електрониката, а со тоа ќе добиете и поцеловит увид во производството на "главните играчи" во оваа област со постојан подем.

Светскиот конгрес за мобилна телефонија е најголемото годишно собирање на повеќе од 60 000 лидери од областа на мобилната технологија кои доаѓаат од 200 земји во Барселона за да ја дефинираат иднината на мобилната технологија. Токму на овој важен настан корпорацијата Интел најави нови производи, екосистем и дополнителни напори за зголемување на присуството на компанијата кај мобилните уреди придонесувајќи за побогати искуства со Intel Inside.

Уште основачот на медицинските науки, Хипократ, и познатиот персиски лекар и филозоф Авицена медот го сметале за божји дар кој им е испратен на луѓето за среќа. Уште тогаш луѓето знаеле дека медот освен хранливи има и лековити својства, па го користеле и го препорачувале за лекување одредени болести. Во текот на историјата медот уште го нарекле и течно злато на природата, сок на небеската роса, еликсир на здравјето.