Осцилоскопот е корисен инструмент, но заради високата цена е недостапен за повеќето електроничари. Токму затоа го подготвивме овој проект за самоградба на едноставен и евтин осцилоскоп, кој испитуваниот сигнал го прикажува на матрица од 10x10 ЛЕД диоди. И покрај својата едноставност, тој сепак може да послужи за детектирање на присуство на сигнал и негово грубо мерење, што честопати е сосема доволно за електроничарите-аматери. Во првото продолжение ги разгледавме електричните шеми, принципот на работа, плочките со печатени кола и описот на нивната изработка. Во ова второ, завршно, продолжение на ред е монтажата во кутија, нагодувањето и советите за користење на овој мал осцилоскоп.

Завртките се стандардни, широко распространети и многу важни машински елементи. Најчесто тие се изработуваат и испорачуваат до крајниот корисник како готови производи со оптимални облици и од најсоодветни материјали. Конструкторот или корисникот обично не ги обликува завртките, туку ги избира од понудените каталози на специјализираните производители. Па сепак, наспроти ваквиот пристап при работа со завртките, особено со оние со помал пречник, може да се наиде на различни "стапици". Нив корисникот треба да ги познава, разбира и да ги почитува. Во овој напис ќе стане збор за три такви "стапици".

Новите податоци на мисијата WiggleZ потврдија дека универзумот се шири со униформно забрзување.

Денес стана речиси мода, особено кај помладите, да се коригира диоптријата со цел да се добие добар вид со т.н. ласерска корекција. Посебно за овој метод се заинтересирани тинејџерите, а бидејќи се најголемиот број на читатели на ЕМИТЕР, мислам дека текстов ќе им помогне да добијат одредени сознанија пред да се одлучат на ваков зафат.

Кој било мајстор – автомеханичар мора да е оспособен да ги протолкува спецификите на буката кај моторот. Тоа е незаменлива и најевтина алатка која му стои на располагање. Сепак, за да се користи потребни се некои минимални теоретски и многу практични обуки и искуства. Погрешните преценки и превиди или замена на симптомите скапо се плаќаат и материјално и со изгубена доверба и престиж кај муштериите и конкуренцијата. Затоа во овај напис накратко ќе дадам одговор на неколку карактеристични прашања што ќе ви помогнат да бидете што е можно попрецизен во дијагнозата на моторот кога тој пројавува некој проблем.

На 12 август 2011 година персоналниот компјутер наполни 30 години. Или, да бидеме попрецизни, тогаш се појави првиот персонален компјутер, кој означи пресвртница и почеток на една нова ера во која секојдневјето, и приватно и деловно, станува незамисливо без нив. Добар повод да направиме осврт на развојот на персоналниот компјутер и мала ретроспектива на најважните датуми од триесетгодишната историја, кои оставија свој печат на тој процес.

Околу нашата галаксија Млечен Пат орбитираат стотици сателитски мини-галаксии. Неодамна ним им се придружи уште една, новопромовирана мини галаксија, оддалечена само 17 илјади светлински год., т.е. речиси на дофат на Земјата. Благодет за астрономите, кои очекуваат таа да послужи како клуч за подобро разбирање на еволуцијата на галаксиите.

Најновото истражување спроведено од научниците на Универзитетот во Манчестер резултира со шокантни вести: ракот е болест создадена од човекот, предизвикана од еколошки фактори како што се загадувањето на почвата и воздухот, но и несоодветната исхрана или диета. Човекот го создал канцерот, но тој денес го бара решението на проблемот, го бара лекот.

Sony Vegas Pro 10 е моќна програма за уредување и достоен кандидат за високо место во рангот на вакви програми. Нејзините карактеристики и контроли се одлични и можат да ги задоволат професионалците со искуство во оваа работа, но со неа лесно можат да се снајдат и аматерите-почетници.

Бинарната аритметика не се разликува од аритметиката во другите нумерички системи. Во бинараната аритметика се изведуваат операциите на собирање, одземање, множење и делење на бинарните броеви. Собирањето е наједноставна аритметичка операција којашто се применува во дигиталните сметачки уреди. Тоа се изведува со специјални логички кола наречени собирачи.

Во претходните броеви веќе пишувавме дека 3Д снимање може да се врши со компактна 3Д камера или со две камери поврзани во систем кој на излез дава снимка во 3Д. Додатната опрема за поврзување на две камери во 3Д систем досега беше мошне скапа и најчесто се добиваше по нарачка за одредени типови на камера. Genus Hurricane 3D Camera Rig е токму таков систем кој заради одлично осмислениот дизајн, ниската цена и малата тежина ја доби престижната награда DV Black Diamond Award на NAB 2011.

Науката перманентно ни открива несомнени научни вистини, но некои од нив се спротивставуваат на нашиот здрав разум и ни изгледаат неверојатни. Во овој серијал ви претставуваме поголем број такви "неверојатни" научни вистини. На ред се нови три неверојатни научни вистини: црните дупки се објекти кои најмногу го осветлуваат универзумот, рибите не се неми и во математиката сите вистини не можат да бидат докажани.

Земјани, чувајте се! Кометата Еленин пристига и ќе предизвика земјотреси, поместување на магнетните полови, за потоа да удри во Земјата и, генерално, да предизвика крај на животот каков што го познаваме. Ова ќе се случи ако им верувате на различните апокалиптични сценарија кои се појавуваат на интернет. Во текстот се дадени лажните апокалиптични сценарија и вистинските факти за кометата Еленин.