Како да живееме во векот на сликата. Нашите смартфони, таблети и лаптопи се опремени со моќни камери подготвени да пренесат слика на сцени од најтемното катче на нашата планета до другиот, најсветлиот крај на светот. А што е со звукот? Тајните на звукот како да сме ги совладале во минатиот век, па некако не се предмет од интерес во денешни денови. Така, микрофоните во нашите дигитални уреди собираат неверојатно големо количество шум од околината, а нивните предзасилувачи додаваат уште толку! Засилувачите и звучниците на овие уреди, од своја страна, создаваат толкаво ниво на изобличување, што ниту најмоќната дигитална обработка не може ништо да стори! А што можеме ние да сториме? Многу, и тоа само со примена на познати и проверени решенија. А зошто тоа не го прави индустријата би прашале? Едноставно, индустријата не е расположена да ја приближи електрониката за широка потрошувачка со професионалната електроника бидејќи таа носи висок профит којшто многумина сметаат дека би се изгубил ако се приближат стандардите на овие две бранши. Ете затоа, уред како нашиот, еден едноставен и често користен предзасилувач за професионални микрофони, може повеќекратно да го зголеми квалитетот на снимениот звук, и тоа за неверојатно малку пари, само за неколку стотини денари!